Menek wit pelem ora kudu ahli,
jalaran duwure ranganti rong meter
Sugeng riyadi Idul Fitri,
donga-dinonga kita satya ning dalan bener

Ning gunung ketur tuku bolah,
kanggo ndodomi sajadahe simbah
Dudu salahmu sing gawe susah,
nafsu amarahku sing gawe bubrah.

Srengenge Idul Fitri anggawa pangarep-arep,
silaturahim kanggo lantaran rumakete ati.
Kita sedaya caos pangapura kanthi mantep
nglaleake kalepatan liyan gawe tentreme ati

Nagara tentrem amarga para satria pinandhita,
bengi shalat tahajud, awan sregep makarya.
Sugeng riyadi, sedaya kalepatan kula nyuwun pangapura
Latihan pasa sewulan mugi kita dados manungsa takwa

Gunung Merapi, Gunung Merbabu,
tansah jejer kaya sedulur kembar
Aku sing wis tau nglaraake atimu
njaluk samudra pangapuramu kang jembar

Numpak andhong ning Kotagedhe,
tuku ali-ali kagem eyang putri.
Bilih aku nduwe luput gedhe,
nyuwun kawelasan sampean ampuni.

Gunung Merapi rupane biru
dicedaki dadi ijo wit-witan cemara
Menawi kula gadhah keliru
nyuwun agenging samudra pangapura

Mlaku-mlaku ning Malioboro
Menawi sayah numpak becak luwih sekeca
Sugeng riyadi kagem panjenengan sedaya
Sagung kalepatan nyuwun diparingi pangapura

bandar togel kebobolan
bakar-bakar telo neng sekolahan
yen kulo wonten duso nyuwon ngapuro...........

Juminten tuku kupat.

Campur opor enak rasane

Nyuwun ngapunten sedoyo lepat

Nglebur duso resik atine

Abu-abu dowo iku kawat

Yen reged ayo dilap

Ayo dulur mangan kupat

Supoyo riyoyo luwih lengkap

Gulo jowo tape ketan legi tenan

Riyoyo ayo salaman nggo ngilangi kesalahan

Iwak teri ngombe teh
Tuku gulo nang wonokromo
Aku ngerti salahku akeh
Mulo iku sepurane yoo..

Tuku kangkung nang mojokerto

Mangan kripik campur telo

Mumpung isih riyoyo

Dino becik njaluk sepuro

Mugo-mugo kito tetep eman

Agama Islam dadi panutan

Mancing nang kali oleh tombro

Mumpung riyoyo aku njaluk pangapuro